Ola a todos!
Para animar un pouquiño estes días que temos que estar na casa, xunto co material de traballo déixovos unhas cancións compostas polo noso amigo Iván Vale.
Era o que tiñamos previsto traballar na clase xa que ambas tratan o tema da primavera (que, aínda que non nos deramos moito de conta, xa estamos nela!!). Amais, unha das cancións versa sobre o arco da vella que vén a ser o símbolo desta situación que estamos a vivir. Así que, anímovos a que escoitedes, bailedes, gocedes e cantedes estas cancións. E, se vos animades, enviádenos fotos co voso arco da vella cheo de cores ao correo da web e do blog; garatuxascee@gmail.com
Recórdovos que podedes imprimir o arco da vella para colorear tanto na páxina principal como aquí.
Por certo! tamén podedes enviar os vosos vídeos cantando e bailando estas cancións, así vós pasaredes un bo momento e faredes que nós o pasemos tamén!
Unha aperta grande para todos dende a distancia.
Xa falta menos para vernos!
A profe Irene